Urdu Theory Test 20

آپ کو اوورٹیکنگ کرتے ہوئے خطرات کو مدنظر رکھنا چاہئے۔ اس تصویر میں نشانات یہ ظاہر کرتے ہیں کہ آپ جب جنکشن پر پہنچ رہے ہیں آپ کے پاس اوورٹیک کرنے اور بحفاظت بائیں طرف واپس جانے کا ٹائم نہیں ہوگا۔

اگر لوگ سڑک پار کرنے کا انتظار کررہے ہیں تو آہستہ ہوجائیں اور رکنے کے لئے تیار رہیں۔ انہیں سڑک پار کرنے کا اشارہ مت کریں کیونکہ ہوسکتا ہے کہ دوسرے ڈرائیور نے انہیں نہ دیکھا ہو، آپ کا اشارہ نہ دیکھا ہو اور بحفاظت رک نہ سکتا ہو۔

جلتی بجھتی سبز رنگ کی بتی اس چیز کی نشاندہی کرتی ہےکہ ڈرائیور یا مسافر ڈاکٹر ہے اور ہنگامی صورتحال پر جارہا ہے۔ اگر محفوظ ہو تو انہیں راستہ دیں۔ اس بات کا دھیان کریں کہ گاڑی بہت تیزی سے سفر کرے گی اور اچانک رک سکتی ہے۔

یہ علامات راہگیروں اور سائیکل سواروں کے مشترکہ راستے کو ظاہر کرتی ہیں۔ جب یہ ختم ہوتی ہیں تو سائیکل سوار واپس مین سڑک پر آجائیں گے۔

بوڑھے لوگ اکثر سننے، دیکھنے، توجہ دینے اور فیصلہ کرنے میں کمزوری کا شکار ہوتے ہیں وہ چلنے میں آہستہ ہوسکتے ہیں جس کی وجہ سے انہیں سڑک پار کرنے میں زیادہ وقت لگے گا۔

موٹر وے سے باہر نکلنے والا راستہ کاونٹ ڈاون نشانات سے ظاہر کیا جاتا ہے۔ یہ ایک دوسرے سے نوے میٹرز یا ایک سو یارڈز کے فاصلے پر لگے ہوتے ہیں۔ پہلا سلپ روڈ شروع ہونے سے دوسو ستر میٹر یا تین سو یارڈز پہلے ہوتا ہے۔ سلپ روڈ شروع ہونے سے بہت پہلے بائیں ہاتھ والی لائن میں چلے جائیں۔

عام طور پر یہ نشان آپ صرف پیدل چلنے والوں کے علاقے میں پہننے پر دیکھیں گے۔

اپنے گزرنے کا راستہ زبردتی مت بنائیں، تحمل کا مظاہرہ کریں اور سڑک پر دوسرے لوگوں کا خیال رکھیں حالانکہ آپ کو ترجیح حاصل ہے۔ پھر بھی اس بات کا یقین کرلیں کہ سامنے سے آنے والی ٹریفک آپ کو راستہ دے رہی ہے۔

سڑک پر چمکتے ہوئے رنگوں کو جاننا آپ کو سڑک پر اپنی جگہ کا اندازہ لگانے میں مدد دے گا خاص طور پر رات میں دھند کی حالت میں یا جب کم دکھائی دے رہا ہو۔

جتنی دیر تک ٹریفک کی بتیاں سبز رہتی ہیں ان کے تبدیل ہونے کا اتنا ہی امکان بڑھ جاتا ہے۔ پہنچتے ہوئے اس کا ہمیشہ خیال رکھیں اور رکنے کے لے تیاررہیں۔

بعض اوقات موٹروے پر لائنوں کو بند کئے بغیر کام ہورہا ہوتا ہے۔ جب ایسا ہوتا ہے علامات گاڑی کے پیچھے لگادی جاتی ہیں جو سڑک پر دوسرے لوگوں کو آگے تعمیراتی کاموں سے خبردار کرتی ہیں۔

آپ کو اپنی ہیڈ لائٹس دوسروں کو اپنی موجودگی سے خبردار کرنے کےلئے جلانی چاہئیں۔ انہیں دوسروں کو خوش کرنے، جلدی ظاہر کرنے یا دوسرے سڑک استعمال کرنے والے لوگوں کو ترجیح دینے کے لئے استعمال مت کریں۔ انہیں آپ کا اشارہ گمراہ کرسکتا ہے۔

بڑی گاڑیوں کو تنگ سڑک میں مڑتے ہوئے زیادہ جگہ کی ضرورت ہوگی۔ شروع میں انہیں جس سمت میں مڑنا ہے اس سے مخالف سمت میں لہرا کر باہر آنے کی ضرورت ہوگی۔ یہ اسی جنکشن سے باہر نکلتی ہوئی گاڑی کا چھپا سکتے ہیں۔ ان کے پیچھے سے گزرنے اور اوورٹیک کرنے کی کوشش ہرگز مت کریں۔

گزرتی ہوئی سڑکوں پر جہاں کوئی راستہ دینے والا علامت، نشانات نہ ہوں بہت خیال رکھیں۔کسی بھی گاڑی کو ترجیح حاصل نہیں ہے حتی کہ اگر سڑکوں کے سائز بھی مختلف ہوں۔

پفن کراسنگز پر انفرا ریڈ سنسر لگے ہوتے ہیں جو سڑک پار کرتے ہوئے راہگیروں کی شناخت کرلیتے ہیں اور اس وقت تک ٹریفک سگنل سرخ رکھتے ہیں جب تک کراسنگ خالی نہ ہوجائے۔ سنسر استعمال کرنے کا مطلب ہے کہ جلتی بجھتی پیلی بتی نہیں ہوگی جو پیلیکن کراسنگ میں ہوتی ہے۔

یہ فاصلہ اٹھارہ گاڑیوں کی لمبائی کے برابر ہے۔ تہتر میٹر تک رکنے کی کوشش کریں اور پیچھے دیکھیں۔ یہ آپ کی سوچ سے بھی زیادہ ہوسکتا ہے۔

ڈرائیور جنکشن کے مقام کے بارے میں بے یقینی کا شکار ہوسکتا ہے اور اچانک مڑسکتا ہے۔ احتیاط کریں اور اوورٹیک کرنے کی کوشش مت کریں۔

ایسی سڑکوں پر جن پر زیادہ گاڑیاں کھڑی ہوں آپ کو زیادہ خیال رکھنا چاہئے۔ آپ شاید کھڑی ہوئی گاڑیوں کے درمیان سے بچوں کو نہ دیکھ پائیں اور وہ دیکھے بغیر بھاگ کر سڑک کے بیچ میں آجائیں گے۔ لوگ گاڑیوں کے دروازے کھول دیتے ہیں بغیر سوچے کہ یہ خطرات پیدا کرسکتا ہے۔ آپ کو سڑک پر آنے والی ٹریفک کے لئے بھی دیکھنے کی ضرورت ہوتی ہے۔

صرف اس وقت بائیں طرف سے اوورٹیک کریں جب ٹریفک قطاروں میں آہستہ چل رہی ہو اور آپ کی لائن کی نسبت آپ کے دائیں طرف ٹریفک زیادہ آہستہ چل رہی ہو۔

خبردار رہیں کہ دوسری ٹریفک ابھی بھی جنکشن سے گزر رہی ہو۔ آگے جانے سے پہلے یقین کرلیں کہ راستہ صاف ہے۔

جہاں سڑک پر آپ یہ نشان دیکھیں آپ کو مین سڑک پر ٹریفک کو رستہ دینا چاہئے۔ یہ ان جنکشنز پر استعمال نہیں ہوتا جہاں قدرے کم ٹریفک ہو۔ تاہم جنکشن پر دو ٹوٹی ہوئی لائنیں ہوں تب بھی رستہ دینے کا اصول لاگو ہوتا ہے۔

بہت سی گاڑیوں کی تنظیمیں آپ کے سفر کا تفصیلا منصوبہ دیں گی جس میں سمت اور فاصلے دکھائے ہوں گے۔ کچھ میں آرام اور ایندھن کے لئے روکنی کی ہدایات بھی شامل ہوں گی۔ ہائی وے ایجنسی کی ویب سائٹ بھی آپ کو سڑک پر ہونے والے تعمیراتی کام، واقعات کے بارے میں معلومات فراہم کرتی ہے اور متوقع تاخیر کے اوقات بھی دیتی ہے۔

انٹرنیٹ پر بہت سارے راستے کی منصوبہ بندی کرنے والے موجود ہیں۔ ان میں سے زیادہ تر آپ کو سب سے زیادہ سیدھا، جلدی پہنچنے والا یا قدرتی راستوں میں سے انتخاب کرنے کا حق دیتے ہیں۔ یہ وقفہ اور ایندھن کے لئے رکنے والے مقامات اور فاصلہ بھی شامل کرسکتے ہیں۔ ان کا پرنٹ لے لیں اور اپنے ساتھ لے کر جائیں۔

ہارڈ شولڈر کے اوپر سرخ کراس کا مطلب ہے کہ یہ رننگ لین کے طور پر بند ہے اور گاڑی کی خرابی یا حادثے کی صورت میں ہی استعمال کی جائے گی۔ مصروف اوقات میں ایکٹو ٹریفک مینیجمنٹ کے علاقوں میں ہارڈ شولڈر رننگ لین کے طور پر استعمال ہوتے ہیں۔ اس کا پتہ ضروری حد رفتار دیکھنے سے چلے گا۔

انہیں ایڈوانس سٹاپ لائنز کہا جاتا ہے۔ جب بتیاں سرخ ہوں یا ہونے والی ہوں تو آپ کو پہلی سفید لائن پر رک جانا چاہئے۔ تاہم اگر آپ پہلی لائن پار کرچکے ہیں جب بتی بدلی ہے آپ کو دوسری سفید لائن پر رکنا چاہئے۔ حالانکہ اس کا مطلب ہے کہ آپ سائیکل سواروں کے لئے مخصوص جگہ پر ہیں۔

زخمی کو ریکوری کی حالت میں رکھیں اور اس کے بعد ان کے سانس لینے کے راستے چیک کرلینے چاہئیں اور یقین کرلیں کہ وہ صاف ہے۔ جب تک طبی امداد نہیں پہنچ جاتی انہیں اکیلا مت چھوڑیں۔ جہاں ممکن ہو زخمی کو مت ہلایئے جب تک اسے مزید خطرہ نہ ہو۔

اس بات سے آگاہ رہیں کہ یہ صرف بریک لگانے کا فاصلہ ہے۔ آپ کو مجموعی رکنے کے فاصلے میں سوچنے کے فاصلے کو شامل کرنے کی ضرورت ہے۔ پچاس میل فی گھنٹہ پر عام طور پر سوچنے کا فاصلہ پندرہ میٹر یا پچاس فٹ اور بریک لگانے کا فاصلہ اڑتیس میٹر یا ایک سو پچیس فٹ، کل ملا کر مجموعی رکنے کا فاصلہ ترپن میٹر یا ایک سو پچھتر فٹ ہوجاتا ہے۔ یہ فاصلہ اس سے بھی زیادہ ہوسکتا ہے۔ اس کا انحصار آپ کی توجہ اور کسی خطرے پر ردعمل کرنے پر ہے۔ یہ اعداد و شمار ایک عمومی رہنمائی ہیں۔

ایک حادثے کے فورا بعد مزید تصادم اور آگ اہم خطرات ہیں۔اگر ممکن ہو تو دوسروں کو اپنی مدد کے لئے بلائیں اور علاقے کو محفوظ بنائیں۔ متاثرین لوگوں کی مدد کریں۔ DR، ABCخطرہ،ردعمل،ہوا کا راستہ، سانس لینا، دباو ڈالنا یاد رکھیں یہ زخمیوں سے نمٹنے میں آپ کو مدد دے گا۔

اگر کسی چھوٹے بندے نے سانس لینا بند کردیا ہے تو سب سے پہلے دیکھیں کہ ہوا کا راستہ صاف ہے۔ پھر ایک ہاتھ سے سینے پر دباؤ ڈالیں۔ ایک شیرخوار کے لئے صرف دو انگلیاں استعمال کریں اور اپنا منہ اس کے منہ پر رکھ کر سانس دیں۔ بہت آہستہ سانس دیں اور یہ عمل جاری رکھیں جب تک کہ وہ مدد کے بغیر سانس نہ لینے لگ جائے۔

ہیڈ لائٹس فل بیم صرف اس وقت استعمال کریں جب آپ کو یقین ہو کہ سڑک کو استعمال کرنے والے دوسرے لوگوں کو چندھیا نہیں رہی

اگر آپ برفیلی سڑک پر سفر کررہے ہوں تو بے قابو ہونے سے بچنے کے لئے زیادہ احتیاط کی ضرورت ہے۔ اپنی رفتار کو کم رکھنا اور ممکنہ طور پر اونچے گیئر کا استعمال پہیوں کا پھسلن والی جگہ سے گرفت کھونے کے خطرے کو کم کرتا ہے

ایک مسلسل سفید لائن سڑک کے کنارے کی نشاندہی کرتی ہے۔ جب نظر محدود ہو تو یہ خاص طور پر اس وقت فائدہ مند ہوتی ہے۔ مثال کے طور پر رات کے وقت یا خراب موسم میں جہاں جہاں پر جنکشن، لے بائیز (lay-bys) وغیرہ ہوں وہاں پر یہ لائن ختم ہوجاتی ہے

بلیک کافی پینے یا چند گھنٹے انتظار کرنے سے کچھ فرق نہیں پڑتا۔ الکحل جسم کو چھوڑنے میں وقت لیتی ہے۔ کوئی بھی ڈرائیور جس نے شراب نوشی کی ہو اسے پبلک ٹرانسپورٹ یا ٹیکسی پر گھر جانا چاہئے۔ ہوسکتا ہے وہ اگلی صبح بھی ڈرائیونگ کے قابل نہ ہو

اس بات کو یقینی بنائیں کہ دوسری ٹریفک آپ کی گاڑی کو آسانی سے دیکھ سکتی ہے۔ اگر ممکن ہو تو اپنی گاڑی کو ایک کار پارک میں یا ڈرائیو وے پر سڑک سے ہٹ کر کھڑا کریں تاکہ دوسرے سڑک استعمال کرنے والوں کے لئے مزید خطرے سے بچا جاسکے۔

کراسنگ پر رکئے مت بلک چلتے رہئے۔ جیسے ہی آپ کراسنگ پر پہنچیں اور پیلی وارننگ لائٹس جل جائیں آپ فورا رک جائیں جب تک کہ ایسا کرنا غیر محفوظ نہ ہو۔سرخ چمکتی ہوئی بتیاں اور آواز کے اشارے کا ایک ساتھ ہونے کا مطلب ہے کہ آپ کو ضرور رکنا چاہئے

پیشگی خبردار کرنے والی تکونیں ہموار تہہ ہوجاتی ہیں اور زیادہ جگہ نہیں گھیرتیں۔ اگر آپ کی گاڑی خراب ہوجائے یا کوئی حادثہ ہوجائے تو انہیں سڑک استعمال کرنے والے دوسرے لوگوں کو خبردار کرنے کے لئے استعمال کریں۔ اسے اپنی گاڑی کے پیچھے، یا سڑک یا دہانے کے کسی طرف ہونے والے واقعہ کی سمت سے کم از کم پینتالیس میٹر (یا 137 فٹ) کے فاصلے پر رکھیں۔ اگر منظر نظروں سے اوجھل ہے یعنی کوئی موڑ، پہاڑی یا سڑک پر نیچے کی طرف ڈھلوان ہے تو اسے مزید پیچھے رکھ دیں۔ موٹر ویز پر انہیں استعمال نہ کریں

پیدل چلنا اور سائیکل چلانا ورزش کرنے کے اچھے طریقے ہیں۔ پبلک ٹرانسپورٹ کا استعمال آپ کو ورزش کرنے کا موقع دے گا۔اگرآپ ریلوے سٹیشن یا بس سٹاپ تک پیدل چلیں اور گاڑی کو گھر میں استعمال ہونے کا موقع دیں

حتی کہ گاڑی سواری کی ایک آرام دہ قسم ہے لیکن یہ صحت اور ماحول کو نقصان پہنچانے کا باعث بن سکتی ہے۔ خاص طور پر جب چھوٹے سفر کے لئے استعمال کی جائے۔ اپنے سفر کرنے سے پہلے دوسری کسی سواری کے بارے میں سوچیں۔ پیدل چلنا اور سائیکل پر چلنا آپ کی صحت کے لئے بہت اچھا ہے۔ اور پبلک ٹرانسپورٹ ڈرائیونگ کرنے کی نسبت زیادہ تیز، زیادہ آرام دہ اور کم ذہنی دباؤ کا باعث بن سکتی ہے۔

گاڑی کی ہینڈبک چیک کریں۔ یہ آپ کو ٹائر میں صحیح دباؤ سے متعلق ہدایت دے گی اور بک آپ کو اس کو ایڈجسٹ کرنے کی ضرورت نہیں ہوگی۔ اگر آپ سامان اٹھا کر لے جارہے ہیں تو آپ کو ہینڈ ایڈجسمنٹ کرنے کی ضرورت ہوگی۔ بہت سی گاڑیوں پر ایسا کرنے کے لئے ڈیش بورڈ پر سویچ ہوتا ہے

کسی بھی غیر متوقع صورتحال میں تیار رہنے کی کوشش کریں۔ پیشگی منصوبہ بندی کریں اور ممکنہ خطرات کو جانچنا سیکھیں۔اس طرح آپ اپنے ساتھ پیش آنے والی کوئی بھی مشکلات پر ردعمل ظاہر کرنے میں زیادہ وقت لیں گے۔ سڑک استعمال کرنے والے دوسرے لوگ جن کا رویہ مناسب نہیں ہوتا ان کے رویہ کو برداشت کریں

اپنی گاڑی روکنے کے لئے جتنا فاصلہ طے کرنا ہوتا ہے اسے متاثر کرنے کے لئے بہت سے عوامل ہیں۔ اپنی ڈرائیونگ کو اس لحاظ سے ترتیب دیں کہ موسمی حالات کس حد تک سڑک پر ٹائروں کی گرفت پر اثرانداز ہوسکتے ہیں

اس سے پہلے کہ آپ ایمرجنسی ٹیلیفون استعمال کریں ان تفصیلات کو تیار کریں اور یقین کریں کہ درست معلومات دیں۔ آپ کی اپنی حفاظت کے مد نظر ہمیشہ ٹریفک کی طرف منہ کریں جب سڑک کے کنارے لگے ٹیلیفون پر بات کریں

خطرناک حد جو ایک سو میٹر (یا 328 فٹ) سے بھی دکھائی نہ دینے والے حالات کے علاوہ فوگ لائٹ کا استعمال ایک جرم ہے

اگر آپ ڈیزل استعمال کررہے ہیں یا کسی ڈیزل پمپ پر ہیں تو اس بات سے محتاط رہیں کہ زمین پر ڈیزل گرا ہوا ہوسکتا ہے۔ آپ کے جوتوں کے تلوں پر ایندھن لگ جانے سے پیڈل پر سے پاؤں پھسل سکتے ہیں۔

اگر آپ گاڑی سے دور ہیں تو اپنی گاڑی کو کم روشنی والے علاقے میں اکیلا چھوڑنے کی کوشش سے بچیں۔ اگر ممکن ہو تو گاڑی کو زیادہ محفوظ اور روشنی والے علاقے میں کھڑی کریں۔

ایک لمبے کاروان یا ٹریلر کو کھینچتے ہوئے آپ کو سڑک پر پیچھے بہت کم دکھائی دے سکتا ہے۔ آپ کو صحیح سامان استعمال کرنے کی ضرورت ہوتی ہے جو اس بات کو یقینی بنائے کہ آپ پیچھے اور کاروان کے ٹریلر کے نیچے کے دونوں اطراف میں ٹھیک سے دیکھ سکتے ہیں۔

ہمیشہ ایکسلریٹر کو آرام سے استعمال کریں۔ اپنے پاؤں اٹھانےسے پہلے گاڑی کی قوت رفتار کو دیکھ لیں جو آپ کو آگے کی طرف دھکیلتی ہے خاص طور پر پہاڑی سے نیچے اترتے وقت۔ اس سے گاڑی پر اپنی گرفت کھوئے بغیر ایک مناسب مقدار میں تیل بچایا جاسکتا ہے۔

یہ آپ کی ذمہ داری ہے کہ اس بات کا یقین کرلیں کہ آپ کی گاڑی میں بچے محفوظ ہیں۔ مناسب رکاوٹوں میں چائلڈ سیٹ، بے بی سیٹ، بوسٹر سیٹ یا بوسٹر کشن شامل ہیں۔ یہ بہت اہم ہے کہ کوئی بھی رکاوٹ بچے کے حجم اور وزن کے مطابق استعمال کی جائے اور گاڑی بنانے والوں کی ہدایات کے مطابق لگائی جائے۔

کوئی بھی گاڑی چلانےسے پہلے یہ یقین کرلیں کہ آپ کے پاس ایک کارآمد ڈرائینگ لائسنس اور ایک مناسب انشورنس ہے۔ یہ قانونی ضرورت ہے کہ گاڑی میں کارآمد ٹیکس ڈسک نمایاں کی جائے

آپ کو پچھلی فوگ لائٹس کا استعمال نہیں کرنا چاہئے جب تک کہ دکھائی دینا خطرناک حد تک کم نہ ہوجائے۔ یہ بتانے کے لئے کہ پچھلی فوگ لائٹس چل رہی ہیں ایک خبردار کرنے والی بتی آپ کے ڈیش بورڈ پر جل جائے گی۔ آپ کو اپنے ڈیش بورڈ پر تمام بتیوں کا مطلب جاننا چاہئے گاڑی چلانے سے پہلے اور گاڑی چلتے ہی ان کا جائزہ لے لیں۔